影片
更多
2009-06-01
14 浏览
5月1日, 劳动节就梗系要去劳动一番, 所以我地决定去沙田踩单车~ 喺中午时间嚟到沙田, 先医下个肚先, 原本想去IKEA个FOODCOURT度食, 不过装修紧, 原路行番去火车站, 见到有间食pizza嘅都好似几多人咁, 就行去睇下, 见d野几啱食所以就坐低~ 其实位唔多, 得4张枱, 我地坐咗喺入面.:::是日薄饼(菠萝, 蘑菇, 火腿, 辣肉肠)一件 + 饮品 ::: $24大慨系一个13” 薄饼嘅1/8, 都算几大块, 佢地好好心咁帮我地切开咗2件, 唔驶我地再切, 十分赞~ 薄饼嘅底非常脆到好似饼干咁又带少少㶶味, 好惹味~ 饼面亦好足料, 芝士味浓郁, 唔驶再加芝士粉~ 咬落每一啖都有十分丰富嘅味道, 唔算饱不过好满足~ 附送嘅饮品我地要咗未见过嘅菠萝玉露同荔枝玉露, 有菠萝粒同荔枝粒喺里面, 可能我地未饮过所以都ok啦~::: 肉酱意粉 + 饮品 ::: $30贵为推介嘅肉酱意粉就唔系好出色, 普普通通~ 焗出嚟唔系好香, 肉酱茄汁过多, 肉碎又比较少, 所以整体有d酸, 而且仲ok多油… 睇唔出有d咩野值得推介…总括以上, 食物真系值得俾个笑面嘅, 不过世事难料, 估唔
:::是日薄饼(菠萝, 蘑菇, 火腿, 辣肉肠)一件 + 饮品 ::: $24
大慨系一个13” 薄饼嘅1/8, 都算几大块, 佢地好好心咁帮我地切开咗2件, 唔驶我地再切, 十分赞~ 薄饼嘅底非常脆到好似饼干咁又带少少㶶味, 好惹味~ 饼面亦好足料, 芝士味浓郁, 唔驶再加芝士粉~ 咬落每一啖都有十分丰富嘅味道, 唔算饱不过好满足~ 附送嘅饮品我地要咗未见过嘅菠萝玉露同荔枝玉露, 有菠萝粒同荔枝粒喺里面, 可能我地未饮过所以都ok啦~
::: 肉酱意粉 + 饮品 ::: $30
贵为推介嘅肉酱意粉就唔系好出色, 普普通通~ 焗出嚟唔系好香, 肉酱茄汁过多, 肉碎又比较少, 所以整体有d酸, 而且仲ok多油… 睇唔出有d咩野值得推介…
总括以上, 食物真系值得俾个笑面嘅, 不过世事难料, 估唔到俾呀姐d服务搞到笑变ok…
第一宗: 咁细间餐厅有最低消费? 度度都冇标明, 但系落order𠮶阵先讲要每人叫一个餐或者每位最低消费$40. 有一个餐系薄饼+意粉+饮品 $40, 而家要迫住叫多一个餐多$14一罐汽水…… 仲要系落order𠮶阵个呀姐先至出声… 有d呃人成份lor…
第二宗: 埋单𠮶阵个呀姐又收多咗, 仲话以为自己冇计错数, 除非你同我讲佢系啱啱由洗碗调出黎楼面, 如果唔系成日收银冇理由会计错卦……
除咗以上系发生喺我地身上, 睇住d想叫外卖嘅客俾个呀姐点走咗, 佢嘅服务语气跟本就赶客. 我谂如果唔系佢地嘅薄饼好食挽回番d客仔, 个呀姐真系要负全责…
张贴
