東京迴轉壽司 (已結業)

家姐话食过觉得抵食，上openrice见到o的评价都几好，所以同母亲三人行一齐黎试下。入到去坐order枱，谂住落order会比bar枱既新鲜，叫左o的寿司同辣味螺肉。落完单几分钟内就黎左大部份既寿司啦。辣味螺肉好大碟，味道都唔错，好抵食!不过试埋d寿司就出现问题啦…三文鱼寿司系厚切，不过寿司饭一夹就散，应该系用机压既，但又唔够实。海胆寿司既海胆唔系太新鲜，紫菜又唔脆，唔知系唔系放o系bar枱度一段时间呢?其他寿司都系麻麻，三文鱼子军舰，紫菜又有同样既问题…三文鱼子好稔，一o的口感都冇。试左几款寿司都系觉得麻麻，所以冇乜点叫啦，出发去食糖水。