芽莊越式料理 (新城市廣場) (已結業)

周末既早午餐唔想食西式早餐，想食清清地，于是就去到新城市一期7楼既芽庄食粉!餐厅座位舒适，而且座位都唔少既，我跟友人星期六的2点左右去到唔驶等位!不嬲有食开的我今次拣选了蕃茄蟹檬，友人就食生牛肉河，我地仲叫左鱼饼同两杯饮品!河内蕃茄蟹檬($78)，汤底酸酸地很开胃，而且配料都几多，有蟹脚、蟹肉丸、札肉、蕃茄，而加仲多左碟生菜丝俾你捞埋落个粉到食，咁几清新!檬粉煮得岩岩好，唔会过淋!河内生牛肉粉($70)，汤底用上牛肉汤，都几清甜，牛肉上到枱时还是生的，唔会已经变熟哂!河粉软硬到适中，而且还有生洋葱，食系黎辣辣地几刺激味蕾!河内鱼饼($76)，共有4大块，而且好厚肉，外层煎到有少少脆，内里鱼肉满满，再配埋酸汁一齐食特别惹味!蜜饯菠萝冰($45)，用上梳打水，再配埋甜甜的菠萝，饮落唔会好甜，只系食菠萝果阵先会觉得佢好甜!总括黎讲，餐厅环境舒适，店员服务不错，会主动帮忙加水，同埋好快可以揾到佢地帮忙。价钱讲真就唔算好平，但系起码感觉干净。而且食物味道唔错，值得多次光顾!