深夜食堂 (已結業)

今日同事就带咗我去尖沙咀厚福街5楼嘅深夜食堂食午餐。$ 48蚊包自助沙律吧 ，另外加十至八十蚊就可以点埋主菜一款 ，好似几吸引。一去到 ，望一望个沙律吧 ，第一眼已经被个芝士火锅吸引住， 热辣辣嘅芝士，捞面包食真系一流。另外个南瓜汤都好饮，够浓又唔算太咸。沙律吧有生菜可以自己配搭唔同嘅酱汁，例如日式芝麻酱或者千岛酱 。另外𠮶个豆腐细细件都几好。煮菜方面我就加廿蚊叫咗个龙虾汁海鲜意粉 ，分量唔大唔细啱啱好， 带少少辣味 ，青口好大件 。朋友就加廿蚊点咗个牛肝菌鸡肉焗饭。有劲多菇同鸡肉。 个饭落咗少少清酒去煮，味道几特别。反而我几钟意出面个露天茶座， 舒舒服服倾下偈食烟都得 。其实尖沙咀真系好多好嘢食，下次再同大家去发掘下。顺带一提， 午餐并冇加一，明码实价 68蚊有咁多嘢食， 都算物超所值。