大澳德發 (已結業)

大澳德发 - 唔系喺大澳其实系炮台山有人请食生日饭，揾一间黄得来又好味嘅中餐，就揾到佢大澳德发！果然名不虚传!!!晚市帮衬食够$100或以上仲会送现金券，价钱抵之余、员工水准、食物、服务都好，值得一食再食👍🏻我哋两个女仔唔要得太多，只系叫咗几个𩠌再加汤，已经好饱😎三弄脆皮咸猪手 - 即叫即整、切好埋上台，脆卜卜，大大份，就算过咗一阵都仲系好脆，估唔到系食中餐都可以食到有德国味嘅咸猪手！配埋佢个蜜糖芥辣汁👍🏻👍🏻正！冰镇咕噜肉 - 如果系啲大小小嘅餐厅呢一个𩠌都可能已经好贵，但系而家只系平民嘅价钱就食到！ 酸甜味道岩岩好，外脆内软，因为有冰镇住所以要趁早食，如果唔系就变水浸架啦！梅茶蒸菜心 - 第一次甘食😳 友人话甘样食会食到菜心既原味，又真系几特别，梅菜加左落去又唔系好咸咋，可以试下另外可以加钱要个靓仔及例汤 - 一碗汤大到两个人饮 ☺️好抵当然加支啤酒啤一啤佢就更爽😎大家都大大力支持有水准又有心去经营既餐厅💪🏻