北京老家 (已搬遷) 新店位置

朋友生日，所以就约左黎呢度食生日饭。餐厅环境都系行中式路线，好配合到餐厅名😂不过座位之间就迫啲，我朋友坐左系风口位想坐另一边都比姐姐有说话听「阻住佢行」。我地叫左半份片皮鸭，虽然份量系少啲（每次食都心谂呢度真系有半只鸭？🤔）不过系好味既 肥瘦都好均匀，油脂好香❤️另外仲叫左铁板葱爆牛肉，麻辣肚丝，同埋糖醋排骨。（太肚饿唔记得左影呢几样☹️）麻辣肚丝啲肚丝细条得有啲过份😅同埋啲葱绝对系多过啲肚丝😂乐观啲谂中意食葱既朋友仔应该会觉得好似执到宝咁😆铁板葱爆牛肉就普通，无咩特别。糖醋排骨就有啲淋有啲柴，比较参差。