禮賓傅 (已結業)

此礼宾傅非彼礼宾府,此礼宾傅既厨师的确系真。礼宾府既前主厨,所以呢度先叫礼宾傅~佢嘅晚餐系有二人餐嘅,但系中间有一两个item唔系咁啱食,所以我哋决定散叫!先来个燕窝酿鸡翼,哗!真系不得之了鸡翼胀卜卜咁入边全部都系燕窝系全部都系燕窝!!鸡翼炸到非常之香脆,燕窝又晶莹剔透咁样,真系好好味!之后嘅必食推介一定系鹅肝虾多士,成个卖相非常之精美,原只虾系多士上面,鹅肝就系虾同埋多士中间,火候啱啱好,加上佢有少少已经调味嘅味粉系上面,虾头都唔浪费,炸埋一齐摆碟!呢一件要用刀叉品尝嘅虾多士,真系一流!天气冻冰冰咁,饮番个炖汤滋润一下先,今日我拣咗花胶螺头炖汤,都好大盅下,热辣辣,花胶都有两三件大嘅,又够厚身,加埋螺头嘅鲜甜,饮完个汤之后成个人暖晒!麻婆和牛豆腐,和牛切丁粒,系有口感嘅,豆腐非常之滑,又唔系好辣,唔使一定要有个白饭嚟送都得,麻婆豆腐都可以变高级嘅菜式!听讲呢度嘅礼宾傅炒饭非常之出名,但系我哋人少食唔到一份咁多,侍应就话其实可以帮我地安排做半份都得,非常之贴心!炒饭入边有虾鲍鱼,鱼等等嘅海鲜粒,加埋浓郁嘅酱油味,湿湿地之余又唔会太黏糊糊咁,真系几饱都仲想再食啊!最后要多个合桃露汤丸,合