蛋哥 (已結業)

观塘工业区出名多隐世小店，而呢间都唔例外😬 餐厅以鸡蛋为主题，提供多款蛋料理嘅港式美食，更有各种健康/邪恶类型任君选择，适合大众人士享用～ 装潢较简约，环境干净，价钱亦够亲民化，经过可以一战🤪主菜要咗鸡肉椰菜花饭同特浓沙爹牛面配奶油猪同太阳蛋，鸡肉切到细细粒，肉质软嫩，椰菜花有咬口，鸡蛋碎咸度适中，整体口感丰富，简单又健康😛 沙爹牛大大块，酱汁偏咸，面底软硬度刚好，搭配经典嘅奶油猪同太阳蛋简直系完美～ 另外奶茶红豆冰、脆爆奶茶同红豆冰都唔错，可以request甜度同冰量，大大减低邪恶感😈小食都叫咗几款试试，秘汁炸鸡有成四大块，外脆内嫩，有肉汁而且食落啖啖肉～ 脆皮鸡翼果然名不虚传，外层超级无敌酥脆，幸福感满满🤪 想食菜嘅就可以嗌埋是日炒杂菜，椰菜花配西兰花，帮助消化😌 而个人就私心推介牛油果虾仁蛋饼同黄金西多士，虽然两款嘅菜式都较为普遍但味道十分惊人，下次必定会encore呀👉👈