影片
更多
2010-09-27
64 浏览
陪朋友嚟试食呢间openrice 咁多位人兄赞好既餐厅~! 点知出晒事~!!虽然舖面装修同环境都好麻麻...但无所谓啦..最紧要d 野好食啫~! 7:10pm: 攞飞, 见要等成20几个no#.. 索性去行下街再番嚟! 8:20pm: 回来问亚姐到我地未.. 点知阿姐超紧张..好惊咁答非所问 <今日好多客等㖞!!!.........> .. 佢讲左去边呢 ?? 再问多次..佢先话..下张枱比我地! 等位期间...亚姐已开始四围同客讲...炸白饭鱼卖晒啦!! ..哗...好早咋㖞!??!8:40pm: 终于有枱.! 坐低叫野...叫左3..4次...先有伙记得闲落单!! .等食时间好漫长..见好多人都系系度等...仲未有得食~!! 心知不妙..!! 留意到有2个人(比我地早到)...佢地等食之际...传菜亚姐攞住碟𩠌& 叫左个枱号!! 见佢地大声回应..但阿姐听唔到..求其将佢个𩠌比左另一枱!! 佢地超无奈!!到第2次...亚姐又攞佢地D 𩠌出嚟.. 佢地趁阿姐一行出嚟..即刻超大声叫住..先避免左案件重演!!...9:15pm: 我地要既<炸墨鱼丸>
虽然舖面装修同环境都好麻麻...但无所谓啦..最紧要d 野好食啫~!
7:10pm: 攞飞, 见要等成20几个no#.. 索性去行下街再番嚟!
8:20pm: 回来问亚姐到我地未.. 点知阿姐超紧张..好惊咁答非所问 <今日好多客等㖞!!!.........> .. 佢讲左去边呢 ?? 再问多次..佢先话..下张枱比我地! 等位期间...亚姐已开始四围同客讲...炸白饭鱼卖晒啦!! ..哗...好早咋㖞!??!
8:40pm: 终于有枱.! 坐低叫野...叫左3..4次...先有伙记得闲落单!! .
等食时间好漫长..见好多人都系系度等...仲未有得食~!! 心知不妙..!!
留意到有2个人(比我地早到)...佢地等食之际...传菜亚姐攞住碟𩠌& 叫左个枱号!! 见佢地大声回应..但阿姐听唔到..求其将佢个𩠌比左另一枱!! 佢地超无奈!!
到第2次...亚姐又攞佢地D 𩠌出嚟.. 佢地趁阿姐一行出嚟..即刻超大声叫住..先避免左案件重演!!...
9:15pm: 我地要既<炸墨鱼丸>上枱啦 ....卖相唔错! 但..点解完全唔弹牙既!! 仲鬼咁实添㖞~ ! 面档个D 墨鱼丸都爽口过佢㖞!!??!
9:25pm: 我听到阿姐叫我个枱号.. . 我大声回应!! .但阿姐完全无望过嚟...仲要将我地碟<炸鸡软骨> 比左另一枱..!! 又系咁!? 唔通阿姐对耳有毛病!??
隔左一阵.. D 伙记话无晒粥啦!! 0下 !?? 我地等左成个钟啦㖞!!??
于是我地主动向伙记求证...先知我地个份仲有..!! ....又再等....!!
9:40pm: 传菜亚姐一边捧住我地期待左好耐个煲<蟹粥>出场~~ 一边叫住我地个枱号!!
今次我再大声d 应佢+ 举埋手!! 佢又系无望过嚟㖞!! 跟住好顺手咁..将煲粥放系头先食错左我地碟 <鸡软骨> 个张枱度啰!
唉~~ 我唔想再等了!! 过左去同阿姐讲...初时佢呆左..兼仲系个张枱打开个煲盖添!! .跟住我又再讲...佢先如梦初醒咁....同我讲唔好意思~!! 同即刻补炸个<鸡软骨>比我地..~!!
食物味道总评:
1) <炸墨鱼丸> 约26蚊: 好实, 可以唔洗叫啦!
2) <鸡软骨> 约28蚊: 系即炸既, 好爽+ 香口, 好味道~!
3) 重头戏<膏蟹粥>: 个粥色水几靓(金黄色)..但无膏蟹味!! 粥底好稀 超多水+ 无味!! 但蟹肉尚算鲜甜!!
食物价钱合理, 甚至算平(尤其小食都系 30蚊有找..!!)
但我地食得3样野...都要搅左3个几钟头!! 完全系运作方面好有问题!! 200% 应该改善!!
而且食物质素好普通...唔见得要推介同唔需要再翻叮~!!
张贴