嚐麥手作

营业中

休息中

听讲好食嘅Bagel 系界乎饼干同面包之间，外皮脆口，内里厚实松软，但未咬果阵，系硬到拎黎掟你，都会痛嘅！嗯⋯ 咁我食紧嘅⋯ 应该就真系唔系Bagel，而系改良咗嘅Bagel？所以系叫贝果先啱？呢款贝果包嘅优点系：每一口都好实在嘅，要慢慢细嚼。一啖咖啡一啖包，大概就会令人有跑肚感了。另外，呢款贝果仲加咗红莓干入去，每咬一口都会有少少甜味混入面粉内，比传统嘅提子包好味，又唔似丹麦条咁，会令人渴喉，不失为空气包以外嘅选择黎嘅！进入店果一刻，你唔会一眼就认出佢系尝麦面包店⋯ 都系依家啲新开饼店好Hit 嘅配搭色调，类似日系和台系色调之间咁，白色灯光，白色的墙身，木色的货架。而佢哋每个包都预先入袋，以确保衞生，拎果阵都好方便。