竹家莊

营业中

休息中

真系细细个已经听过竹家庄嘅电台广告，经过好多次，呢次终于有机会去试下。叫左烧鸭汤河，及第粥，油盐水大蚬，椒盐泥鯭，烚韭菜花。烧鸭河好似系必食，所以都叫左个试下，先饮啖汤，好香烧鸭味，再食一啖鸭，哗！不得了，食个系鸭胸位，好软腍，最重要系仲要好多肉汁，有啲惊为天人，最后食埋个河粉，切到好幼，又薄，连汤一齐食好正。及第粥，因为我食左个汤河先，所以食落无咁有味，但食埋啲粥料，都好香烧鸭味。油盐水大蚬，相对最大嘅碟头。但唔系咩大蚬，普通蚬，不过不失咁呢个椒盐泥鯭，热辣辣，好味😋呢碟韮菜花，好细碟，但就好嫩好甜，贵都底嘅。