不要對我尖叫，日常茶間， (戲曲中心) (已結業)

今次试戏曲中心入面既靓靓台式茶饮舖，不要叫我尖叫，位置系地下中庭后少少既位置，环境好开扬同舒服。叫左两杯饮品、原味窝夫饼（$22）同提拉米苏窝夫饼（$28）。饮品我觉得正常发挥，洛神蜂蜜菊花（$26）既酸度被蜂蜜既甜中和返，饮落好舒服好滋润，香柚荔枝水果茶（$24）就香甜清新，仲有原粒荔枝肉！强烈推荐要叫呢度既窝夫！佢个窝夫做得真系好好，现场现做，可以睇住员工接单拎窝夫面团遂个放入烤盘，烤好再淋糖粉、起司奶盖酱同朱古力咖啡粉系面，送到客人面前系热辣辣，上面既酱半融，咬落去酱系冻但饼系又香又松软，有种冰火既感觉，想食完再食！