Isaac Toast (新城市廣場三期) (已結業)

之前去过韩国试过韩式吐司一试难忘，返到嚟香港实在太挂住𠮶个味道啦，所以就同朋友过咗嚟Isaac顶下瘾先！🤩我同朋友今次就叫咗烟肉吐司同埋烟肉芝士沙律贝果，烟肉吐司一咬落去甜甜地面包再加上芝士成个感觉真系好夹，同系韩国食到个味都好似，感觉好似返咗去韩国咁😢至于烟肉芝士沙律贝果食落去感觉甜甜嘅贝果包同啲料唔系好夹，同埋入面会有薯蓉，我同朋友都觉得麻麻地，下次都系会叫返吐司🫠本身惊会唔够饱就叫多个原味炸鸡，但其实一个包已经好饱，至于炸鸡就一般般啦，唔难食但都唔会比得上出面嘅炸鸡店。仲有两杯士多啤梨梳打都系正常味道。