金鳳大餐廳 (金鳳樓)

营业中

休息中

呢间扒房已经食过三次，太子同尖沙咀都食过。太子舖果然系元老店，质素同其他分店真系有啲差距，夜晚行过一定有成堆人等位。喺正屋企对面够哂方便，可以随时走落去食，就黎成为我嘅饭堂啦哈哈。今次黎叫左个西冷扒餐，佢个餐有一个红/白汤，一个餐包，一份牛扒配少少薯条同埋一杯野饮。我拣左白汤，唔系个啲罐头忌廉汤嘅味，系真系细细个去西餐厅饮个啲嘅味，口感好creamy。餐包都好松软，搽牛油食好香，点个白汤索住啲汤黎食都好食。个扒一开头拣左要几成熟，汁就等佢上到先拣，分别有黑椒汁同烧汁。佢上枱之前会提醒客人打开张餐纸巾放喺心口前，避免淋汁嘅时候弹哂啲汁同油去件衫同块面。淋汁个下炸炸声又出哂烟咁好过瘾，不过挂住拎住张餐纸巾，冇手录底佢。佢块扒系用旧式个啲铁板加块木板垫底，我叫左五成熟，但因为佢块铁板有热力，都系过熟左少少。中意食生啲嘅可以叫三四成，之后再用铁板热下佢应该就会有五成嘅效果。佢嘅牛肉真系好软冧，啱哂我口味，不过应该系松肉粉嘅效果，杀死左不少牛味，但个口感真系好正。佢呢度仲可以加两蚊加蒜蓉，蒜蓉爱好者一定要加，大大pat 蒜蓉铺满牛扒上面，油香加蒜香，香上加香。野饮我就加钱叫左杯雪糕红豆冰，系回忆