KOI Thé (已搬遷) 新店位置

旺角登打士街完全扫街天堂，各式小食、饮品应有尽有，去到旺角扫街一定要去。好耐无出旺角，今次一去，发现多左好多台式饮品店，间间都话自己系来自台湾，要谂饮边间都几伤脑筋。我只记得台湾既50岚，所以就拣左饮呢间KOI THE。其实我本身无饮过既，但见到50岚个名，可以放心试啦。好似好有多选择，但我最爱既台式饮品系珍珠奶茶，所以我拣左黄金珍奶。黄金珍珠原来唔同普通珍珠，唔系黑色，系透明。其实食落同珍珠唔同味，黄金珍珠就甜甜地，接近大西米既口感，好似无普通珍珠甘好𡁻口。 奶茶系好滑，重奶味。不过我要左半糖，所以我觉得唔够甜。饮得珍珠奶茶唔可以怕肥，下次要多番d糖。杯上面有张label教你要饮得健康，可减糖或少糖。要健康定好饮，大家可以自己拣。