洪師父牛肉麵 (已結業)

洪师父牛肉面系台湾都几出名，一直都好想试，但因为疫情都无得去台湾，无机会试。知道香港都有洪师父，之前终于得闲去左去旺角试试，过下瘾。去到系下午茶时间，叫左个下午茶餐系免费配仼何饮品。红烧牛肉面 (下午茶 $45)推介指数：8.5/10唔能够同台湾𠮶间洪师傅比较，因为未试过，但之前喺台湾试过其他舖头既红烧牛肉面，今次食既呢碗都相当有台湾既味道！汤底非常有味，唔算太浓，恰到好处，而且牛肉都好易入口，唔会太硬，带点软食，口感不错。不过面条质感就无系台湾食既咁弹牙，呢度系有小小扣分吧。食完都系会感受到小小台湾既味道！下午茶免费配饮品，我就配左杯QQ鲜奶茶，可以话系不过不失，但唔算好特别。虽然下午茶加埋一都食左50蚊，但依家无得去台湾，系香港用50蚊感受到台湾既味道，都系十分值得！而且系包埋杯野饮，其实50蚊都唔算贵的。面的份量一定系唔多，但下午茶绝对够食，而且饮完杯野都十分饱肚。性价比算系中等，但当然去台湾一定会平好多！