影片
更多
2018-11-10
1957 浏览
珍珠奶茶梳乎厘 $68今次系我第二次食珍奶味梳乎厘pancake 两次既经验都几唔错首先最抢镜又系珍珠珍珠珍珠 重覆三次因为真系好食同足料 烟烟韧韧口感好 珍珠潮又足够连埋梳乎厘一齐食到尾梳乎厘分两块 连埋珍珠奶茶口味既酱其实都唔少野 奶茶味酱比较重口味 为左视觉效果餐厅将较多既酱集中放系其中一块梳乎厘面 我会扫匀去两块度食 咁就刚刚好 无过甜又唔会过漏呢份产品系餐牌上有手指公 我觉得都值得赞好既 整体珍珠同奶茶酱同梳乎厘配搭几适合 有加乘原味梳乎厘 $58通常食梳乎厘pancake我都会试原味先 今次同时食珠珠奶茶味同原味 有比较之下我会推荐后者原味梳乎厘无跟酱 梳乎厘面就跟左块烧过既焦糖同埋砂糖 相比餐牌其他梳乎厘选择会无咁重口味 虽然稍为干身 不过就会无咁腻 pancake几挺身 唔系空气感果类 由于光线暗花多左时间影相 食果阵已经冻左 >< 由于整法同口感唔系我杯茶 加上另一份珍珠奶茶味虽然贵少少 不过份量用料都胜过呢份 所以建议大家试左餐厅推介赞好果啲产品先珍珠奶茶梳乎厘果冻 $42是日珍珠奶茶日 先黎一份未见过既创意新品珍奶梳乎厘果冻美好年代既珍珠令我印象非
珍珠奶茶梳乎厘 $68今次系我第二次食珍奶味梳乎厘pancake 两次既经验都几唔错
首先最抢镜又系珍珠珍珠珍珠 重覆三次因为真系好食同足料 烟烟韧韧口感好 珍珠潮又足够连埋梳乎厘一齐食到尾
梳乎厘分两块 连埋珍珠奶茶口味既酱其实都唔少野 奶茶味酱比较重口味 为左视觉效果餐厅将较多既酱集中放系其中一块梳乎厘面 我会扫匀去两块度食 咁就刚刚好 无过甜又唔会过漏
呢份产品系餐牌上有手指公 我觉得都值得赞好既 整体珍珠同奶茶酱同梳乎厘配搭几适合 有加乘
原味梳乎厘 $58通常食梳乎厘pancake我都会试原味先 今次同时食珠珠奶茶味同原味 有比较之下我会推荐后者
原味梳乎厘无跟酱 梳乎厘面就跟左块烧过既焦糖同埋砂糖 相比餐牌其他梳乎厘选择会无咁重口味 虽然稍为干身 不过就会无咁腻 pancake几挺身 唔系空气感果类 由于光线暗花多左时间影相 食果阵已经冻左 ><
由于整法同口感唔系我杯茶 加上另一份珍珠奶茶味虽然贵少少 不过份量用料都胜过呢份 所以建议大家试左餐厅推介赞好果啲产品先
珍珠奶茶梳乎厘果冻 $42是日珍珠奶茶日 先黎一份未见过既创意新品珍奶梳乎厘果冻
美好年代既珍珠令我印象非常深刻 大粒饱满有咬口 有留意开我ig都知我算饮过唔少珍奶 呢度既珍珠质素系当中都可以排得上号
然后就系梳乎厘层同底下既果冻 疏乎厘几坚挺 唔系某啲梳乎厘pancake果种空气感 我系连珍珠或者果冻一齐食 珍珠好食又够多 果冻都几有奶茶味 最紧要又够冻 所以都觉得唔错
份果冻睇落唔大杯 食落觉得其实份量刚刚好 综合创意同质素可以一战 无记错都系餐厅推介产品之一
烤布蕾波波茶 $34
.
哩间铺开黎香港其实有d期待 因为听讲台湾都要排长龙🤣但我星期六去唔使排队都有位坐 可能太新未有人知呱🤣
.
作为黑糖珍珠鲜奶既粉丝 当然要试下哩个齐集烤布蕾 奶盖 鲜奶 黑糖珍珠于一身既台式饮品会系点样☺️因为睇左好多review大家都麻麻地 所以原本饮我都有心理准备😂点知饮落好岩我口味 成为左我心目中既top 3☺️☺️☺️
.
点解我会觉得好饮 因为唔甜又重奶味又系厚鲜奶质感 黑糖味又唔会太over 即系太甜 珍珠又好食啰☺️☺️ 我觉得真系唔错 又奶到面层既creme brûlée 然后又有芝士奶盖沟鲜奶 黑糖珍珠又够弹牙又够咬口 然后又有黑糖香味 重点系佢唔甜 岩我哩d怕甜既中女🤣不过如果你追求黑糖既甜味 可能哩杯野会唔岩你 因为佢系奶味浓滑 遮盖左少少黑糖既甜味 不过我本身爱上饮黑糖鲜奶都系因为饮厚奶沟甜黑糖珍珠既感觉 唔中意成杯都系黑糖甜味但奶味俾冰沟淡左变奶水🤣🤣🤣
.
哩杯野都几溜下 饮完我已经饱左🤷🏻♀️🤷🏻♀️🤷🏻♀️希望下次饮都保持到哩个水准
张贴
