燈籠滷味 (登龍街) (已結業)

第一次食呢间系比佢个名吸引到，心谂呢间舖头都几有gimmick，特登系登龙街开间舖头叫灯笼卤味。做左少少research先知原来系台湾过江龙，个名唔系是但改。入面个装潢都系行返台湾style，播返啲台湾嘅pop music。我觉得似一间高档嘅车仔面，都系拣𩠌同面底。不过系台湾版嘅车仔面啰，啲𩠌同埋面底都系跟返台湾个边。-鸡翼 唐生菜 百页豆腐 米血糕+王子面卤水鸡翼同埋唐生菜都冇咩特别，不过不失咁。值得称赞嘅系百页豆腐同埋米血糕。豆腐都颇为入味同埋爽口。不过就要睇彩数，我食过几次。其中有一次个豆腐真心麻麻地，太淋。至于米血糕就相当出色，有咬口，同埋唔会整到好腥。另外，王子面系呢间舖头必食之选，面底一律推荐拣王子面。因为呢只面最索到卤味汁。留意呢到全部都系捞面黎，并唔系同香港啲车仔面档一样有唔同汤底。个人认为价钱偏贵，平均都要60-70蚊，加埋饮野随时上80。可能啲食材要系台湾入口所以贵啲啦，不过佢个食王子面加米血糕都值呢个价嘅，我自己就会keep住帮衬。