Marbling (Fashion Walk) (已結業)

好少黎铜锣湾呢头，都系见到fashion walk有活动可以换戏飞先黎入面有份参加既舖头食，有只傻猪猪见到呢间餐厅有恒生信用卡优惠，$388就有二人扒餐食就拣左呢间，食食下先发现系$388per person😂呢度既环境都唔错，系酒吧街，如果果一日无落雨就完美😂 但系果日系劲大雨，室内又无晒位。前菜，每人两只生蚝、白灼虾、青口，生蚝好新鲜但唔算好大只。然后系主角，我地叫左一个韩国21日熟成扒同鸭巴甸400日日谷饲牛扒。韩国熟成扒非常重牛味，十分十分浓香，食完个口仲留住好浓既香味！令人十分难忘既味道！扒唔会好生，肉质甚至有点粗糙，但就比人一种粗犷十足既感觉。鸭巴甸既肉质则十分嫩滑，入口即溶，相对牛味无咁重，但仍然系令人一试难忘！唯一美中不足既系份量比较少😂天使面则正常。亦系前菜既沙律，味道相当清新。甜品自助放题，都还不错。