Hungry Korean (D2 Place) (已結業)

话说下午有d野黎荔枝角搞，咁午餐都系荔枝角食啦，本身做晒功课谂住去1楼既某间冰室食，但真系太多人排紧队，惊等太耐误左时间，行左D2 2-3层其他餐厅1系都系排晒队，1系就比较贵既西餐，行行下见到呢间韩式餐厅有位，睇落价钱唔算好贵就入去试下个午餐啦。其实坐底左10分钟都开始好多人入左黎，食紧野既时候已经坐爆仲有人开始排队，始终工业区附近太多上班族都好正常。今日试下个泡菜猪肉豆腐，跟1碗白饭，猪肉切得比较细同碎，调味ok少少辣，辣中带点甜都好韩式味道，有少许泡菜捞埋，份量唔多不过酱汁味道够重捞饭1流，另外跟左3块豆腐都好够滑。跟餐加12蚊有野饮，拣左个冻梅实茶，少少酸，加12蚊贵左少少。虽则话食个午餐74蚊其实唔算平，但比起附近餐厅黎讲都算系平民了，想食下韩国野都系几好既选择。