Dacha Restaurant & Bar (已結業)

本身想去食新疆菜回味下，点知果间餐厅冇开，喺朋友推荐下去左食东欧菜，呢次系继东欧餐厅之后第一次食东欧菜，依旧系觉得东欧菜好好食好吸引。Chicken Kiev $268去到俄罗斯餐厅一定要点既𩠌之一。一切开炸鸡，入面啲牛油流晒出黎。鸡肉非常嫰滑，配埋牛油口感好juicy，邪恶得黎好好味！最surprise既系青豆有少少甜味，同平时食开既好唔同，而薯蓉同样系好出色！Spicy Kielbasa Khachapuri $198呢个批有少少似pizza hut既芝心批，厚皮入面系满满既芝士，但唔算好漏，而且芝士既味道亦都唔算太浓，上面既系辣椒同肠仔，为呢个批增添少少辣味。Manti $158以前真系冇食过羊肉饺子，呢个饺子既羊肉份量极多，基本上每一啖都有羊肉，亦都好多肉汁。原来俄罗斯饺子入面多数系得一种配料，唔似中式饺子咁丰富。Oreshki $98呢个曲奇同平时我地食开既好唔同，系比较似食紧马卡龙果种口感！外层较硬，入面系蛋黄酱，好creamy但冇想像中咁甜，同成班朋友每人食一粒fit晒！