Dacha Restaurant & Bar (已結業)

我同老公实在太挂住俄罗斯既食物，所以特登揾下除左我地食开个间东欧餐厅，想试下新野，虽然知道呢间老板两姊妹系乌克兰人，餐牌内菜式选择唔算特别多，但食味既味道同装修完全勾起我地系俄罗斯食既回忆。首先有黑麦面包，饮品老公饮啤酒，我嗌左homemade lemonade，之后嗌左一个鲱鱼红菜头鹌鹑蛋沙律，食落好清新。梗系唔少得叫埋罗宋汤啦，我冇另加肉，所以感觉相对冇咁浓郁，不过味道系好既。主菜我地嗌左beef stroganoff 同 Chicken Kiev，呢道个beef stroganoff系宽意粉底，味道一般，我地系第间食过系薯蓉底既就好似match D同牛肉林D，所以我下次唔会再嗌呢个， 但至于个Chicken Kiev就相当出色。最后甜品嗌左个煎芝士班戟，我地系俄罗斯食过间好出名既，相比之下系有分别，不过都唔错。最后千二蚊埋单，以中环地区同食物质素，价钱尚算合理。