影片
更多
5天前
0 浏览
好怕嚟呢度堂食，食物质素ok嘅，麻油鸡、牛肉饼、回埚牛肉、干扁四季豆、咖喱羊腩、碢贴都系好食，不过最大问题系佢地入枱嘅手法系几令人讨厌，呢个唔系一个半个阿姐嘅问题，因为每次去堂食都系咁样，试过：a) 3个人去，其实等多张枱都已经有4人枱，但系基于佢地唔多欢迎3个人坐4人枱嘅关系，佢地够胆死叫我地入去「坐住张两人枱先」（即系收银前面果一row面对面、枱拍枱嘅「长枱」），当你以为系叫我地三个人坐住两个人先，剩番果个就等隔嚟果张两人枱埋单走之后再坐低嘅话，佢已经唔知喺边度拉多张櫈出嚟，要我地三个迫埋落一张两人枱！b) 另外亦试过都系3个人，又系坐咗落上面a)所讲果row排排坐长枱，叫到成枱5、6碟嘢，佢都系要插个1人食客埋嚟，张枱又唔系大，已经唔系好放得落晒所有食物，再插个人埋嚟，即系叫我地要伸只手去人地前面先夹到自己嘅食物？c) 见过佢地夹硬要4个人坐最近门口/玻璃窗果张枱仔（1号枱），可知果一张枱仔有一边其实系因为门口系凹入舖头嘅关系，张枱其实得三边可以坐…上面a)至c)三个情况基本上除非你系2人入座，否则一定会发生，我自己试过a)同b）,a)果次我就拒绝咗佢地嘅安排，而b)就冇法子，佢
a) 3个人去，其实等多张枱都已经有4人枱，但系基于佢地唔多欢迎3个人坐4人枱嘅关系，佢地够胆死叫我地入去「坐住张两人枱先」（即系收银前面果一row面对面、枱拍枱嘅「长枱」），当你以为系叫我地三个人坐住两个人先，剩番果个就等隔嚟果张两人枱埋单走之后再坐低嘅话，佢已经唔知喺边度拉多张櫈出嚟，要我地三个迫埋落一张两人枱！
b) 另外亦试过都系3个人，又系坐咗落上面a)所讲果row排排坐长枱，叫到成枱5、6碟嘢，佢都系要插个1人食客埋嚟，张枱又唔系大，已经唔系好放得落晒所有食物，再插个人埋嚟，即系叫我地要伸只手去人地前面先夹到自己嘅食物？
c) 见过佢地夹硬要4个人坐最近门口/玻璃窗果张枱仔（1号枱），可知果一张枱仔有一边其实系因为门口系凹入舖头嘅关系，张枱其实得三边可以坐…
上面a)至c)三个情况基本上除非你系2人入座，否则一定会发生，我自己试过a)同b）,a)果次我就拒绝咗佢地嘅安排，而b)就冇法子，佢地系明恰我地食物已经上晒枱冇得走。c)嘅情况都会拒绝（不过果次果枱客好「听话」），理得佢地畀说话你听。建议大家遇到呢啲情况，一定要say NO，佢地做到惯晒唔当你系客，呢一点就算只系四百蚊咁上下一餐都唔应该系咁。
张贴