保家山 (已結業)

观塘骆驼漆大厦入面有好多卧虎藏龙嘅餐厅，保家山绝对系其中一间，餐厅主打充满香港特色嘅汉堡包。一入门口就见到一个类似抢包山既burger山摆设，正正呼应返餐厅嘅名字。原来餐厅名字系受到长洲抢包山嘅启发，创办人小时候好钟意食汉堡包，但当时只有一至两间大型汉堡店，所以创办人想创造一个属于香港人独有嘅汉堡包🙇🏻‍♂️装潢方面主要以水泥墙配搭木系家私，环境宽敞。- 牛油果蟹肉意粉一个套餐有齐意粉、餐汤同沙律。意粉份量好多，味道好creamy，间唔中食到少少山葵嘅味道，带点刺激🤩。餐汤系蘑菇汤，质感比较稀身，至于沙律就系生菜加蕃茄。- 葵手工和牛汉堡餐厅用咗山葵酱配搭和牛汉堡扒，创意十足之外仲好好味。和牛汉堡扒厚身几juicy，山葵酱味道唔会话好辣，可以中和返和牛既腻。入面仲有其他配料，包括洋葱蕃茄同生菜，非常丰富。- 麻辣薯条平时食餐薯条都系原味或者芝士，今次保家山既麻辣薯条真系有惊喜，薯条上面洒上四川麻辣香锅料，麻香十足，而且薯条炸得好香脆，更加惹味😋最令我深刻嘅食物系汉堡包同麻辣薯条，真系好有香港特色，价钱都唔贵，保家山喺香港汉堡界绝对占一席位🥳