影片
更多
2011-09-25
50 浏览
星期六收工，太太有自己饭脚，孤伶伶一支公，所以就拉咗同事一齐食晏，好彩佢都系得一个，原本都系打算食完就各有各散，故此晌同区随意揾间餐厅落脚就算，行吓行吓就拣定咗新森林，无咩特别原因，只系未试过，兼且以焗饭面为主打招牌菜，好似几有睇头，不妨一试。午餐都有唔少选择，有每周午餐之选$35-$39，个个星期唔到，每星期共有6款拣，包餐饮；另外，亦有长期供应嘅焗之选、厨师之推介，一律都系卖$39，同样包嘢饮；平少少嘅都有，卖$33嘅拉面之选，不过只得一款𩠌料，另加配料就每款$6，连埋嘢饮。但系有样嘢比较骑尼，就系午餐要多加$3先奉送罗宋汤或是日忌廉汤连蒜茸包，心态上觉得$3唔系多，都会要埋餐汤试一试。结果我哋叫咗两个餐，一齐分享嚟食。餐汤同事要嘅系罗宋汤，无问所以唔知质素。我要嘅系菠菜忌廉汤，虽然望落绿绿哋色，仲有啲菠菜碎碎，但唔觉有菠菜味，净系好忌廉，就连加落去嘅忌廉都加得求其，简言而之，就系茶记水平。蒜茸包烘得脆，可惜系无乜蒜茸味！芝士白咖喱饭配鸡扒（厨师之推介）本应对芝士配白咖喱都有啲寄予厚望，未食前觉得应该几特别，不过，试咗之后又觉得麻麻哋，芝士味比较淡口，白咖喱亦唔见得突出有特色，事后
午餐都有唔少选择，有每周午餐之选$35-$39，个个星期唔到，每星期共有6款拣，包餐饮；另外，亦有长期供应嘅焗之选、厨师之推介，一律都系卖$39，同样包嘢饮；平少少嘅都有，卖$33嘅拉面之选，不过只得一款𩠌料，另加配料就每款$6，连埋嘢饮。但系有样嘢比较骑尼，就系午餐要多加$3先奉送罗宋汤或是日忌廉汤连蒜茸包，心态上觉得$3唔系多，都会要埋餐汤试一试。结果我哋叫咗两个餐，一齐分享嚟食。餐汤
同事要嘅系罗宋汤，无问所以唔知质素。我要嘅系菠菜忌廉汤，虽然望落绿绿哋色，仲有啲菠菜碎碎，但唔觉有菠菜味，净系好忌廉，就连加落去嘅忌廉都加得求其，简言而之，就系茶记水平。蒜茸包烘得脆，可惜系无乜蒜茸味！
芝士白咖喱饭配鸡扒（厨师之推介）本应对芝士配白咖喱都有啲寄予厚望，未食前觉得应该几特别，不过，试咗之后又觉得麻麻哋，芝士味比较淡口，白咖喱亦唔见得突出有特色，事后先知白咖喱应该系源自北海道，晌调制过程中加入较多嘅忌廉，尽量少啲黄姜粉，所以出嚟嘅色泽较白。个人而言，味道无乜个性，但质感很滑溜。至于鸡扒，煎得香口又唔肥，肉质都OK，只系觉得面面再撒撮葱丝有啲多此一举啫。
芝士焗石斑猪柳汉堡鸳鸯饭（焗之选）依个鸳鸯饭反而真系得我欢心㖞，可能觉得俾一份钱，但就好似食咗两碟唔同味道嘅饭，兼且茄汁一边又醒胃，芝士汁𠮶边又唔错，配埋炒饭底，感觉仲觉得更加抵。一边系茄汁配猪柳汉堡，猪柳汉堡就等同晌麦记食𠮶只，口感、味道都一模一样，而茄汁鲜活又茄味浓郁；另一边芝士白汁配青衣柳，雪藏鱼柳本身鱼味都唔重，不过配咗芝士汁就感觉浓重惹味啲，况且啲鱼柳食落都有啲脆嫩。依个焗之选果然抵赞，总算无负佢个焗之专门店嘅招牌。
餐饮同事杯热柠茶有好多片柠檬，所以笃完都要隔起佢，如果唔系一路浸住啲柠檬就变得太酸；我杯咖啡又几OK㖞，滚热够香，一派港式咖啡。两个人，本来打算食完就走，不过，讲吓讲吓公司是非嘢，倾咗个几两粒钟，好彩星期六嘅中环一向午市都唔算太多人，唔似胜香园、豚王依类长龙店。
张贴
