胡爐 (已結業)

胡炉尖沙咀厚福街8号H8 16楼之前听过朋友话胡炉嘅火锅高质，今日我哋去开尖沙咀，就决定试吓啦，本身佢做开火锅单点，而佢最近亦出咗半放题火锅，每位只需$298，有三十几碗火锅配料任食，当中包括肥牛同埋广岛蚝，感觉都几抵一嚟到，侍应就问我哋拣边款锅底，原来有麻辣鸡煲，青咖喱猪手煲同埋胡炉醉鸭煲拣，平时我哋最钟意食开鸡煲，所以我哋今次就拣返鸡煲，鸡肉嫩滑唔鞋口，件数又多，配埋麻辣酱非常之夹，食完都有少少饱过咗冇耐，就送上牛拼盘同埋海鲜拼盘，牛拼盘有澳洲和牛，牛舌心同埋黑豚肉，和牛嘅质素好好，花纹好靓，感觉好新鲜，而牛舌心就非常爽口，加上佢系厚切，咬落去油脂必哂出嚟，忍唔住抢埋朋友𠮶份嚟食海鲜拼盘就有鲍鱼，海虾，帆立贝等等，样样都好新鲜，我哋最钟意就系鲍鱼，真系非常弹牙同埋好重鲍鱼味，另外仲有手工饺拼盘，黑松露墨鱼丸弹牙又鲜味，最推介食完呢几样，我哋嗌嘅任点配料都陆续上到啦，我哋叫咗滑鸡柳，啖啖肉又滑身个感觉好正，而美国肥牛虽然质素冇头先嘅和牛咁好，但睇得出有返咁上下靓，加上呢度环境舒适，尖沙咀嚟讲，食材完全媲美到以往既质素，真系唔使$300嘅高质火锅