茶木‧台式休閒餐廳 (V Walk)

营业中

休息中

🥰台式麻辣牛颊肉手工拌面午 （午餐 $88）手工面条质感烟韧弹牙厚实，酱汁有浓郁嘅花椒味，唔辣，味道唔错。牛颊肉质感非常嫩滑，仲有少少肥肉，食落有骨胶原嘅感觉。质感好味。午餐跟嘅鸭血同素鹅就非常麻麻。鸭血冇味，质感正常，唔算特别嫩滑烟靭。素鸭都系冇味，普通。🥰乌鱼子元贝手作面 $98乌鱼子咸香味道较重，都几有新鲜感，唔会话同平时d 明太子意粉一样味。手作面条有嚼劲爽弹。带子生熟度软硬度合适，味道正常。👌🏼红烧牛肉面 $88汤底算系ok，有少少牛骨髓汤嘅味道。牛肉份量十足，大大嚿。不过就比较多牛筋，都几难咬，但系又未算系好硬好韧𠮶种。普普通通。新竹米粉份量劲多。不过觉得都系手作面应该比较好。👌🏼黑麻油鸡翅 ：有麻油嘅香味， OK。👌🏼黑糖姜母茶跟餐叫嘅都大大杯，仲有一块饼干送埋，都几窝心。味道较淡，唔算有辣嘅姜味，好在都唔系好甜。🤔小芋圆芋泥奶茶（加珍珠）芋泥质地都okay 浓厚，但系都似落咗香精嘅感觉。比较甜。珍珠冇味，唔烟靭，普普通通，可以唔使加钱叫。芋圆就几烟靭，冇咩味。环境： ★★★☆☆ 食物： ★★★☆☆ 性价比：★★★☆☆ 推介度： ★★★☆☆