屏山老地方 (已搬遷) 新店位置

上次食过双重芝士煎肉饼饭，今日一心想食榴梿肉煎饼饭，因为上次食唔到，但原来要夏天先有。我地有3个人，叫左3款唔同嘅肉饼饭试下。最惊喜系核桃芝麻煎肉饼， 一送上台就好香芝麻味，肉饼表面煎到脆脆地，入面d肉又唔会太干，核桃好脆，黑芝麻更香，好似芝麻糊咁 味，但又有肉嘅香味，估唔到哩两样食材同肉饼咁夹，另外，肉饼嘅肉调味较轻，所以核桃同芝麻嘅味都无被盖过，好味。最好味系辣味菜莆烟肉煎肉饼饭，一样外皮煎到脆，肉质嫩，菜埔爽口，但唔太咸，至于烟肉味就唔算好出，另外加咗d辣椒少少辣更惹味，越食越想食，另外要推荐佢地铺嘅辣椒油，应该系自家制，睇上去同出面食鱼旦粉嘅辣椒油差唔多，有d渣个阵，一食落就知唔一样，好香，但唔会太辣，有d瑶柱味，加埋肉饼食送饭一流。另外，姜葱煎牛肉饼饭就姜味太浓，无咩葱，盖过肉嘅味，婇似食紧烧味饭d姜葱咁，但值得赞嘅系哩个肉饼除煎得香脆，肉汁系3个之中最多，同肉质系最松软弹牙，如果少d姜就更好。另外仲叫咗奶茶，奶茶一般，有d涩。