蛇王熙

营业中

休息中

天气开始转凉，系时候食返碗蛇羹暖下肚。以前不嬲食开嘅蛇王二执咗笠，今次嚟到前蛇王二店长熙哥新开嘅蛇王熙，依然系熟悉嘅感觉，依然系咁好味。花胶烩蛇羹招牌蛇羹自然必叫，非常足料，一丝丝嘅蛇肉、木耳丝、冬菇丝都好多，仲加入左爽滑花胶，好味又滋补。表面再洒上菊花、柠檬叶同薄脆，清新芳香，口感加倍。腊味糯米饭糯米饭烟韧干爽，软硬度啱啱好，腊味香口惹味，其中润肠更经过厨师嘅秘方，做到外脆内软，别具特色。最后加上葱花同花生，真正色香味俱全！凉拌拍青瓜云耳蛇羹套餐附送嘅小食，青瓜脆、云耳爽，酸酸辣辣，解腻又开胃。茶树菇鲨鱼骨炖瘦肉除咗远近驰名嘅蛇羹，仲有唔少炖盅老火汤，今次试咗呢款用茶树菇同鲨鱼骨嘅配搭。一打开盖，已经见到满满嘅汤渣，饮落甘醇带点清甜，而且鲨鱼骨仲可以补钙壮骨添。烧味双拼(烧鹅拼烧腩仔)烧鹅皮脆肉嫩，油脂感重，十分香口。烧腩仔皮亦烤至脆卜卜，肉同肥层次分明，肥瘦适中。