PizzaExpress (K11購物藝術館) (已結業)

最近PizzaExpress会员制度改革, 转哂做电子会员, 本身我系旧会员, 所以送咗d优惠卷, 如果你都系旧会员嘅话可以留意下! 星期日下午去到K11 PizzaExpress, 餐厅其实客人唔算多, 但完全冇待应带位, 系门口企咗几分钟先有待应serve! 就算坐低左, 都好辛苦先叫到人落单.... 人手严重不足玛格丽塔皇后薄饼 10吋<马苏里拉芝士、蕃茄酱>嘢食就好快送到, 系新鲜热辣嘅唔系整定! Pizza切开咗做6件, 份量足够二人享用! 芝士份量都唔少, 微微做到拉丝效果, 蕃茄酱味道浓郁, 批底属于偏薄, 批边烘到微焦, 一咬落去脆卜卜咁, 唔错呀! 鸡肉苹果沙律🥗<鸡肉, 青苹果, 合桃, 罗勒, 青菜沙律, 车厘茄, 红莓干, 柠檬蛋黄酱>份量都几多, 叫大份仲会有多两条面包条, 口感软熟, 入口好香! 鸡肉系鸡胸, 质感较硬, 青菜沙律d菜好新鲜, 青苹果切丝上, 好爽脆带点微酸, 连埋其他配料食再配埋柠檬蛋黄酱食好开胃, 整体唔错几好食, 好fresh!🌿整体野食唔错, 但人手方面真系要再加强, 系假期再增添多D人手就最好不过啦!