大喜屋 (已結業)

食过大喜屋系列，始终都系觉得文逊大厦这间分店性价比最高。帮衬左好多年，每次来食都好墟冚，人满为患。今次来食，疫情关系，人少左好多，价钱也比之前平左。第一轮点餐当然要点刺身，我哋例牌点左三文鱼、甜虾、带子、北极贝、赤贝、象拔蚌、蟹脚。三文鱼照旧厚切，肉质肥美，虽然冇左牡丹虾，甜虾质素都OK。雪花牛肉锅，烧羊架是必定要嗌的。味道冇变依然都系好好味。之后又嗌左各款寿司，手卷，芝士焗蚝，咖喱炒蟹，酸辣凤爪，天妇罗，乌鸡花胶汤，烧菠萝，各种沙律.......款式太多，每一样都想试吓。呢度有样好就系每一款食物的份量都好少，咁就可以品尝到好多款，唔使担心好快会饱。嗌左好多款甜品，每件都是超细，好得意。最后每人一个Häagen-Dazs雪糕。好满足的一餐，会再次帮衬。