新羅寶韓國餐廳 (已結業)

中午时间同同事揾食！新罗宝一向好食，但迟少少嚟都要排队，皆因好多旅行团会嚟食！今日星期五，一早12:15就到，要坐出面。其实呢度嘅韩烧同样出色，但lunch食韩烧好似太超过！所以都系叫返set lunch! Set lunch好多选择，有烤鳗、铁板猪、bibimbap、人参鸡，但我嘅至爱永远系牛排骨汤饭！与同事一人一个叫了同一款，最劲试过一行十个同事但十个都叫呢个牛排骨汤饭！佢其实系一锅炆牛排骨，入面仲有韩式年糕、蕃薯、萝卜，再另上饭，个汤甜甜地，炆到牛排骨同蕃薯好入味，但年糕唔知点解退步咗，同个汤格格不入，完全冇味。但净系食牛排骨都够，皆因大大旧啖啖肉。另设韩式前菜韮菜饭、泡菜、麻油芽菜任添，麦菜任斟。以前还有饭后生果，但今次来就没有了。