Pepper Lunch Express Plus (MegaBox)

营业中

休息中

每次经过pepper lunch都会俾佢既香味吸引，见好耐冇食，就衬今日Megabox睇完戏落去foodcourt帮衬下啦~我地分别叫左个《珍宝黑椒牛肉饭》同《蒜香黑椒牛肉饭》，加左一份包两个小食同野饮既套餐。食过pepperlunch既朋友都知，基本上经过舖头附近都已经会闻到好喷喷，当自己个份热辣辣嘅铁板牛肉饭上到枱时就更加不得了，我地急不及待落酱汁同加多d黑椒就开餐😋 两款经典铁板饭都保持到水准，同以前一样咁香口野味。食到咁上下再加多少少粗磨黑椒，令成个饭再升华多d，好味😌。 至于小食方面，第一样小食我地叫左个黑椒鸡粒，本来以为系炸鸡粒黎，估唔到上枱见到系好似煎鸡扒切左粒咁，食落去粒粒都几Juicy，加埋落个饭度仲好夹添💕之后第二样小食就叫左Häagen-Dazs雪糕，小小既一盒雪糕为今晚既晚餐画上完美左既句号。