福來居(牛記)海鮮飯店

营业中

休息中

记得上次跟一众老友嚟，吃得不亦乐乎。之后阿哥又带埋成家去食，但𠮶次偏偏冇我份，惨...今次要补番数先得...跟太太坐响路边撑枱脚(因为人太多，里面已经坐满晒)，别有一番风味...先来虾酱芥兰煲。虾酱味浓，咸香足，极惹味，件头又够大，可惜可能芥兰已近水尾唔当造，食落有渣，失色...本想蒸条深海泥鯭，但因太夜已经卖晒>.< ，阿姐极力推介食西𫚧，就听佢讲。食落果然不俗--- 肉虽略嫌"散"，但够鱼味，肉地亦够滑，满足...豉椒炒蛏子皇系极品--- 肉爽、甜、滑。加入豉椒炒后惹味到不得了，太座大赞。小弟亦觉得系食过咁多舖头嘅出品当中最出色嘅...每人计落都系百五蚊，值la...