夏麵館 (寶石大廈) (已結業)

夏面馆记得以前响荃湾广场开过, 以前间中都会食下, 觉得抵食又唔错. 不过商场大装修, 餐厅都难免要结业.有日行过宝石楼, 竟然见响呢度开番, 即刻入去开餐.要左个担担面, 汤底好香花生味, 辣味浓不过易入口. 拉面几烟韧弹牙, 唔会太淋, 保持水准.蟹粉小笼包, 皮薄馅料多, 只只都涨卜卜. 皮够滑, 馅料蟹粉味都够香, 肉亦够嫩, 亦唔会太肥. 椒盐猪排骨, 外面炸得几香口, 唔算太油腻, 同蒜蓉,葱炒埋一齐更惹味, 猪排有咬口, 份量亦适合.一路食都几多上年纪既街坊帮趁, 同旧铺一样保持水准.