大喜屋 (已結業)

已经有一阵子冇黎大喜屋，今次同表妹同埋男朋友黎食，先知道原来大喜屋个menu更新左，多左唔少新野黎得食放题，打头阵一定系刺身啦！款式都几多，有经典三文鱼、甜虾、北海道鲜带子、北寄贝、鲍片等等。仲有一般放题比较少见的剑鱼腩、油金鱼、希灵鱼、象拔蚌、虎虾等等。最令我心心眼既当然系加拿大🇨🇦松叶蟹脚刺身虽然唔系厚切，但胜在够新鲜！带子鲜甜，象拔蚌同鲍片好爽口，甜虾爽口弹牙，虎虾跟甜虾口感截然不同，虎虾口感带黏性，但同样好食！加拿大🇨🇦松叶蟹脚呢个松叶蟹脚真系冇得输！大大只好厚肉！丰海水味，啲肉好鲜甜，并唔会散开蟹籽沙律🥗大爱青瓜配蟹柳、蟹籽真系好好味！最重要既系有足够既沙律酱，超正！黎食放题好少会叫寿司，因为惊食完两旧之后就会好饱，不过今次见隔离枱叫左，系mini size，所以先够胆叫～呢粒芒果鱼籽花之恋，唔好睇佢细细粒，仍然食到芒果同鱼籽既味道，鱼籽好鲜甜，一粒一口，真系几好！　火炙寿司三文鱼腩虽然唔系厚切，但果阵油脂口感超好，加上表面火炙过，好香盐烧鸡奕我最爱盐烧鸡奕，每次放题都必点，呢度既盐烧鸡奕烧得好好味，咸度适中，烧得香脆，加少少柠檬汁提一提味更正！饮品除左汽水果汁，仲有好多热饮