意粉屋 (新城市廣場一期)

营业中

休息中

搬上7楼黎后，第一次帮衬。新铺比旧铺阔落，环境光猛，而且仲系open kitchen, 一边食野，一边睇住厨师们煮野，食落特别好味。今次叫左个一人餐，另外散叫左儿童餐，芝士肉酱千层面，烟三文鱼鲜果沙律，法式红酒烩牛尾阔条面。一人餐包左餐汤，沙律，主菜同餐饮。餐汤系南瓜蟹肉汤，每匙都食到蟹肉...yummy 主菜就叫左炸鱼薯条，脆浆唔厚，新鲜炸起，好食儿童餐👦🏻我家二少每次必叫，儿童餐有两款，今次二少想食肉酱意粉，所以拣左A款。儿童餐分量一d都唔少，而且仲有杯橙汁。小朋友绝对够食，二少话样样都好味道。芝士千层肉酱面🍝呢个系我家大少必食。一层肉酱，一层面，最后加上芝士，肉酱够多，而且无焗到干争争，佢话好食到定唔到口。烟三文鱼鲜果沙律🥗呢个又系必食，最钟意系用新鲜生果👍🏻，唔系罐头杂果。法式红酒烩牛尾阔面呢间系期间限定manual 入面，牛尾入晒味，够淋，个汁捞埋阔条面，好好食。