阿鴻小吃 (已搬遷) 新店位置

去观塘接老婆放工，顺便食埋饭晚饭。好耐冇去过阿鸿小吃，同老婆立即起行。二人点了例汤粉葛赤小豆煲猪肉，招牌樱花虾XO酱捞面，素鹅及半只蒜香鸡。例汤够火喉，味道鲜甜，饮完口腔内亦有余香。素鹅却有点失色，味道较过往偏淡，腐皮唔系太滑，有啲退步。蒜香鸡却有惊喜，鸡滑及蒜香汁味道浓烈，非常啱自己口味。樱花虾XO酱捞面份量大，面质保持幼细及爽，樱花虾落得重手，芽菜份量多，可惜味道都系有点淡，要加豉油调味。整体水平拉匀计，合格有余，但比起过去几次水准来比较，稍为失色。