影片
更多
2021-02-03
1569 浏览
两母女去Homesquare睇家私，又点少得去Beans食lunch呢！星期六十二点钟左右到，疫情 + 二人限聚令下，都要等成45分钟先可以入座。。。好彩商场嘅室外空间有啲位坐，同行嘅妈妈可以坐下休息，唔使一齐罚企。因为妈妈唔好all day breakfast, 我就点咗黄金蟹肉意粉 & 德国烧猪手两母女share！点餐时讲明烧猪手要等30分钟，所以我就跟餐加多碟黑松露薯条，以便边食边等。首先嚟嘅就梗系黑松露薯条啦~ 一定要赞吓个黑松露酱，真系超惹味！薯条又炸到唔油兼脆卜卜，点住酱食真系好正，连妈妈都大赞！跟手黄金蟹肉意粉都嚟喇~ 连埋个蟹盖一齐上，卖相一流！意粉好creamy，但唔系好食得出咸蛋黄嘅味。。。大大条蟹柳睇落好吸引，但食落好一般。虽然”黄金”唔突岀，但整体系好食嘅！食住等时间好快过，只德国烧猪手都到喇~ 餐厅好细心，点餐时有问碎上定自己切？我哋懒就梗系碎上啦！虽然话系德国烧猪手，但一啲都唔传统，不论猪手上面个汁，伴碟酸菜，定系猪手本身都同德国完全拉唔上关系。。。如果唔追求传统德国feel，咁整体嚟讲都系好食嘅！只猪手其实就好似炸脆咗个皮嘅本地咸猪手，可惜个皮唔够脆，不过
星期六十二点钟左右到，疫情 + 二人限聚令下，都要等成45分钟先可以入座。。。好彩商场嘅室外空间有啲位坐，同行嘅妈妈可以坐下休息，唔使一齐罚企。
因为妈妈唔好all day breakfast, 我就点咗黄金蟹肉意粉 & 德国烧猪手两母女share！点餐时讲明烧猪手要等30分钟，所以我就跟餐加多碟黑松露薯条，以便边食边等。
首先嚟嘅就梗系黑松露薯条啦~ 一定要赞吓个黑松露酱，真系超惹味！薯条又炸到唔油兼脆卜卜，点住酱食真系好正，连妈妈都大赞！
跟手黄金蟹肉意粉都嚟喇~ 连埋个蟹盖一齐上，卖相一流！意粉好creamy，但唔系好食得出咸蛋黄嘅味。。。大大条蟹柳睇落好吸引，但食落好一般。虽然”黄金”唔突岀，但整体系好食嘅！
食住等时间好快过，只德国烧猪手都到喇~ 餐厅好细心，点餐时有问碎上定自己切？我哋懒就梗系碎上啦！虽然话系德国烧猪手，但一啲都唔传统，不论猪手上面个汁，伴碟酸菜，定系猪手本身都同德国完全拉唔上关系。。。如果唔追求传统德国feel，咁整体嚟讲都系好食嘅！只猪手其实就好似炸脆咗个皮嘅本地咸猪手，可惜个皮唔够脆，不过肉就好够味！酸菜亦好似切咗丝嘅中式酸菜。而猪手上嘅汁，就好似系以黑醋汁为主调嘅自调酱汁，不过都算夹味。
总括嚟讲，我哋两母女对呢三样食物都好满意，亦都食得好开心！下次嚟都会再叫！！
黑松露薯条
$25
31 浏览
1 赞好
0 留言
黄金蟹肉意粉
$98
62 浏览
0 赞好
0 留言
德国烧猪手
$192
56 浏览
0 赞好
0 留言
张贴
