影片
更多
2023-09-02
46 浏览
赶得上八号波的尾巴，港鉄开始有限度服务，就出去旺角食返个下午茶开心下先，台风带黎三日假，打工仔超开心。由港鉄行出弥敦道第一个感觉好正，少车少人，但估唔到开门做生意的店舖劲少，连各大型连锁店都冇开，连游客至爱嘅红茶冰室/九龙冰室都冇开，不过我揾到另一间替代品「红岛冰室」其实系佢哋新开张时已经试过，水准都唔错。今日入到去完全不须揾位，大把卡位任坐。下午茶时间，点知打风不设下午茶餐，冇计为有散点，反正不饿就食个包饮杯茶够皮。热央 先讲杯央，够热、入口顺滑，花奶比较啱啱好，茶味出，咖啡味相对淡左少少，但反而我觉得好啱我口味，少咗咖啡苦涩，$22 贵得有道理。白色皮又大大个「墨西哥叉烧包 」$11几重手，包体不厚，墨西哥皮超油腻，拎住已经成手油，好奇切开睇吓并非空气包，叉烧馅料满满，切得几碎、酱汁带甜，如果吾理佢几高卡，其实抵食又几好味。不推荐有「葡挞」$8 挞系一定要出炉食，这个完全冇heart ,冻冰冰，蛋都冇味，反而食到云尼拿油味，怪怪地；挞皮薄仍然系脆嘅，不过都系难食。
赶得上八号波的尾巴，港鉄开始有限度服务，就出去旺角食返个下午茶开心下先，台风带黎三日假，打工仔超开心。
由港鉄行出弥敦道第一个感觉好正，少车少人，但估唔到开门做生意的店舖劲少，连各大型连锁店都冇开，连游客至爱嘅红茶冰室/九龙冰室都冇开，不过我揾到另一间替代品「红岛冰室」
其实系佢哋新开张时已经试过，水准都唔错。
今日入到去完全不须揾位，大把卡位任坐。下午茶时间，点知打风不设下午茶餐，冇计为有散点，反正不饿就食个包饮杯茶够皮。
热央
先讲杯央，够热、入口顺滑，花奶比较啱啱好，茶味出，咖啡味相对淡左少少，但反而我觉得好啱我口味，少咗咖啡苦涩，$22 贵得有道理。
白色皮又大大个「墨西哥叉烧包 」$11
几重手，包体不厚，墨西哥皮超油腻，拎住已经成手油，好奇切开睇吓并非空气包，叉烧馅料满满，切得几碎、酱汁带甜，如果吾理佢几高卡，其实抵食又几好味。
不推荐有「葡挞」$8
挞系一定要出炉食，这个完全冇heart ,冻冰冰，蛋都冇味，反而食到云尼拿油味，怪怪地；挞皮薄仍然系脆嘅，不过都系难食。
张贴
