金源餐廳

营业中

休息中

琴晚同朋友仔饮到大醉，幸好能安全送佢返归，咁就相约今日食个 lunch 啦 ~ 我仲放紧大假，仲可以癫多几晚放纵吓 ~ 哗，起身都成点啰，刚好食午饭。公司即食面，超高卡路里又 junk food，瞓醒第一餐又唔知食咩好，黎亲金源 99% 都只系叫即食面餐，够稳阵，难食极有限。公司即系有鞋烚烚又干争争又浊到死既沙嗲牛肉、半片烚火腿、超薄煎午餐肉同煎蛋啰，加埋煮得腍左啲啲既大陆面，仲有个好淡口既味精汤底，都系要落几羹辣椒油救亡，简单即食面快餐无咩可以评。油鸡，无鸡味又腍劈劈，即系霉霉地啰。化皮烧肉，层皮真系烧到卜卜脆，但有啲硬㖞，都唔知点解会咁。烧肉层次分明，肉味香，都唔错㖞，不过个人厌佢有啲肥。十几廿年前金源既烧味真系好好好味架，虽然价钱贵啲，不过最紧要好食麻，但系依家已不及当年了。蚝油菜芯，好似好耐无食过菜，专登叫个烚菜食吓，点知老到呢，一点都唔爽嫰，已到中年，食到成口渣啊。