影片
更多
2018-04-30
47 浏览
食饭呢，我一般都钟意试小店，一来久不久会有惊喜，二来试过差D饿死响大商场的餐厅门口，所以都系揾D有口卑又可以 book 枱的小店就啱了。 今次试左广华食街内的一间小店，叫 JC Room ，掂㖞！餐牌有三、四页，有 头盘、pizza 、意粉、扒、burger 等，每类别选择不算多，但食完便明白应该款款都系 signature ，因为我地随便 order 左几款食物全都好味的。呢个磨菇汤系我饮过最热辣辣的西汤，有浓浓菇菌味，仲隐若有少少海鲜味？份量不算太多，味浓厚但绝对不会太浆，诚意之作。鸭胸沙律份量多，沙律菜新鲜，鸭胸有两片煎过的，但略为肥左少少，所以没有吃鸭皮部份，呢个沙律正正常常合水准。餐包免费送的有两款，包括面包条同埋切到正正方方嘅面包片。当中最赞的系佢嘅芝士酱，似自家制，好香又够浓郁，点面包一流。食晒面包仲有好多酱剩，果一刻有D想问问面包有冇得加，唔使浪费剩下的芝士酱。连餐包都整到咁有heart, 呢间小店真系不容忽视。板烧纽西兰肉眼扒$238，牛扒肉味浓、油脂多而且煎得好香。肉质够嫰够淋，半生熟得来又冇血水出，五成熟火候控制啱啱好。酱汁有烧汁同芥末汁可以配，我觉得烧汁好D，唔
食饭呢，我一般都钟意试小店，一来久不久会有惊喜，二来试过差D饿死响大商场的餐厅门口，所以都系揾D有口卑又可以 book 枱的小店就啱了。
今次试左广华食街内的一间小店，叫 JC Room ，掂㖞！
餐牌有三、四页，有 头盘、pizza 、意粉、扒、burger 等，每类别选择不算多，但食完便明白应该款款都系 signature ，因为我地随便 order 左几款食物全都好味的。
呢个磨菇汤系我饮过最热辣辣的西汤，有浓浓菇菌味，仲隐若有少少海鲜味？份量不算太多，味浓厚但绝对不会太浆，诚意之作。
鸭胸沙律份量多，沙律菜新鲜，鸭胸有两片煎过的，但略为肥左少少，所以没有吃鸭皮部份，呢个沙律正正常常合水准。
餐包免费送的有两款，包括面包条同埋切到正正方方嘅面包片。当中最赞的系佢嘅芝士酱，似自家制，好香又够浓郁，点面包一流。食晒面包仲有好多酱剩，果一刻有D想问问面包有冇得加，唔使浪费剩下的芝士酱。连餐包都整到咁有heart, 呢间小店真系不容忽视。
板烧纽西兰肉眼扒$238，牛扒肉味浓、油脂多而且煎得好香。
板烧纽西兰肉眼扒
$238
13 浏览
1 赞好
0 留言
肉质够嫰够淋，半生熟得来又冇血水出，五成熟火候控制啱啱好。酱汁有烧汁同芥末汁可以配，我觉得烧汁好D，唔会盖过肉味。
板烧纽西兰肉眼扒
$238
6 浏览
1 赞好
0 留言
粗薯条系鲜炸出来的，好脆好新鲜有薯味。仲有一小碟酸菜，酸酸地够醒胃。
另一个主菜系香辣蒜片虎虾炒扁意粉 $168，有两只大虾，加黑椒煎得好香。虾够大只啖啖肉，仲有啲膏好滋味。
香辣蒜片虎虾炒扁意粉
$168
5 浏览
1 赞好
0 留言
扁意粉用咗好多蒜头同埋蘑菇一齐炒，好香好惹味，仲好欣赏佢够干身唔油腻。但系意粉同埋虾都有D辣，唔食辣嘅朋友要提早讲声减辣啦！
香辣蒜片虎虾炒扁意粉
$168
1 浏览
0 赞好
0 留言
餐饮我哋叫咗啲特饮，跟餐每款都加＄12。
Latte (+$12)，个样都靓靓哋朋友话正，够滑。
柠檬蜜糖 （+$12），细细杯但系蜜糖重手左，太甜了。饮饮下要加水沟淡啲饮，味道先啱啱好。
伯爵茶焦糖炖蛋（+$25），饱饱地最后我哋叫咗一个小型嘅甜品share。焦糖炖蛋食得多，伯爵茶味就真系未试过，一于会一会佢先！
得㖞！除咗一贯嘅焦糖面之外，佢既蛋底有好浓既伯爵茶味。呢个配搭都唔错，唔使成日剩系蛋味布甸咁闷。
伯爵茶焦糖炖蛋
11 浏览
0 赞好
0 留言
食到好饱又好味，埋单先每人二百几，真系好抵。仲有得储印仔，我差一个印仔就可以送甜品了，所以我相信好快会再encore啰！
张贴
