炑八韓烤 (已結業)

近排钟意食烧肉，留意到大新信用卡系炑八韩烤做二人餐优惠，分别有59折同55折(优惠期至2018-12-19)，减到$282至$396睇落都几抵食，所以今晚就试吓！上次去过尖沙咀金马伦道分店，遇到派传单嘅职员，派传单之余仲送一包柠檬夹心饼，咁窝心一于上嚟试吓！用嚟配烧肉食嘅蔬菜同泡菜分量款式都够多，印象都唔错。LA 骨扒二人餐 $484 (+$88服务费)先送上泡菜、沙律菜同生菜，除咗沙律菜其他都可以任加，另外有炉边烤泡菜蛋同芝士粟米。二人餐LA骨扒、牛前胸、牛柳粒、大虾、梨汁鸡肉及猪颈肉，牛前胸质素唔错，其他肉类还好，以优惠价钱都抵食，二人份量十分足够！两次嚟职员都好有礼貌，不时帮忙收起多余的碟同加泡菜，打电话查询信用卡优惠时，可以清楚解答，值得一赞喔！炑八韩烤 MeokBang Korean BBQ & BAR星期一至日: 11:30 - 00:00尖沙咀金马伦道5号太兴广场2楼电话: 27237313平均消费: $286/位