吞POT 雞煲火鍋.住家菜

营业中

休息中

天气乍暖还寒， 但系仍然无阻香港人热爱打边炉嘅程度， 今日就去咗旺角 吞Pot食鸡煲。重头戏鸡煲就叫咗一个滋补螺片花胶鸡煲 $298，一上嚟 ，用壳一笔，就已经有满满嘅鸡件。我急不及待要试下个汤先 ，饮得出质感好浓好厚， 有淡淡嘅豆味， 我估可能加咗椰奶或者牛奶 ，所以我汤好滑， 啲鸡件我哋食到最尾都系食唔晒， 个汤仲有好多花胶同螺片 ，花胶煮到好冧，螺片仲依然好有咬口 ，个人嚟讲十分推介呢个汤， 即使我哋加咗两转汤底个汤都冇太走味。另一个要推介嘅就系自制爆芝响铃 $75有六件， 大大件放入汤渌三至五秒就食得。 头一啖食落冇咩芝士， 以为中咗伏， 但系咬到落中间，啲芝士吧吧真系爆出嚟。雪花牛腩片$198 有十片，厚薄适中 ，摆落汤底拖几拖就食得 ，牛肉味浓，齿颊留香。另外值得推介嘅就系 菜菜篮 ，啲菜好新鲜翠绿 ，$70蚊一篮有晒金菇，杂菇， 生菜同白菜仔 ，性价比十足。顺便一提嘅就系餐厅做紧优惠，7七点半前埋单或者九点半后入座所有火锅配料小食可享有半价。