影片
更多
2021-10-25
1115 浏览
庆祝男朋友加人工，梗系屈佢食返餐西餐庆祝吓～～呢度出名环境靓食物正，梗系要出动黎点评一下！👍🏻Black cod 好罕有嘅配搭，亦必须用「暂时食过最好食」嚟形容佢。鱼肉好嫩滑，边位完全无浓或焦黑，亦带有充分嘅鱼脂香。配上铺面既枫树糖浆，味道微甜，但若然配菜可以再丰富一啲相信会有更高嘅分数评价。👍🏻Pumpkin soup with crab meat 入口好似牛奶咁顺滑，亦带有丁点绵密感，拌上啖啖蟹肉都带几份饱肚感，不过南瓜味道就唔算太重。👍🏻Ox tail soup 非常正宗嘅法式汤品，里面有满满的洋葱粒，入口爽甜，加上足量既牛尾肉，肉质煲过都唔会好鞋！👍🏻Sous vide foie gras鹅肝油脂丰腴，焦糖做得薄脆，用低温浸鹅肝嘅烹调方法，令厚厚既肉质又带点软软轻轻，点上黑醋汁，入口油腻感又即时降低，让人意犹未尽，另外蒜蓉包亦完全冇浸油既情况，保持香口！👍🏻Veg Aglio Olio pasta 相对淡身嘅一个意粉，冇过分嘅调味，但有满满嘅蒜片、菇菌、车厘茄。意粉口感比较硬身，如果想要淋身啲亦都可以通知餐厅代为安排。👍🏻Cookies ‘N cream 明显系一杯用心制作嘅饮
👍🏻Black cod
好罕有嘅配搭，亦必须用「暂时食过最好食」嚟形容佢。鱼肉好嫩滑，边位完全无浓或焦黑，亦带有充分嘅鱼脂香。配上铺面既枫树糖浆，味道微甜，但若然配菜可以再丰富一啲相信会有更高嘅分数评价。
👍🏻Pumpkin soup with crab meat
入口好似牛奶咁顺滑，亦带有丁点绵密感，拌上啖啖蟹肉都带几份饱肚感，不过南瓜味道就唔算太重。
👍🏻Ox tail soup
非常正宗嘅法式汤品，里面有满满的洋葱粒，入口爽甜，加上足量既牛尾肉，肉质煲过都唔会好鞋！
👍🏻Sous vide foie gras
鹅肝油脂丰腴，焦糖做得薄脆，用低温浸鹅肝嘅烹调方法，令厚厚既肉质又带点软软轻轻，点上黑醋汁，入口油腻感又即时降低，让人意犹未尽，另外蒜蓉包亦完全冇浸油既情况，保持香口！
👍🏻Veg Aglio Olio pasta
相对淡身嘅一个意粉，冇过分嘅调味，但有满满嘅蒜片、菇菌、车厘茄。意粉口感比较硬身，如果想要淋身啲亦都可以通知餐厅代为安排。
👍🏻Cookies ‘N cream
明显系一杯用心制作嘅饮品，卖相非常讨好，一层一层地铺上，冰块打得够碎，Bailey 份量好适中，配上小小嘅榛果香，三者配合得不俗！
👍🏻Paradise punch
百香果嘅酸甜令整杯饮品相当清新，加上菠萝汁同橙汁嘅混合，饮落去都相当之清凉解渴。
👍🏻餐厅环境气氛唔错，又有轻快嘅音乐伴奏，如果五点几去到坐靠窗边位仲可以睇到日落！
张贴
