相馬日式火鍋 (已結業)

今日同朋友嚟到荃灣嘅大鴻輝頂樓，食返個火鍋放題先，有好多個套餐，而今日我哋選擇左嘅就係美國特選牛肉，室內嘅環境充滿日式嘅風味，而且落地玻璃，可以俯瞰到荃灣嘅夜景。一坐低，就梗係要選擇左湯底先啦，今日我選擇嘅係番茄湯湯底，酸酸甜甜份外夜魅，好快服務員就已經攞咗啲牛肉，豬肉，同埋雞肉過嚟啦，牛肉方面，色澤鮮艷，而且充滿雪花，食落口有溶化嘅感覺，而且口味都十分之濃郁，至於豬肉，依然爽口，不過就嫌佢切得太薄，但係都有優點嘅，就係好快就熟。至於雞肉，唔會食得出有雪藏嘅味道，感覺唔錯。食完牛肉，就梗係出去自助吧睇吓有啲乜嘢食啦，各種丸類都應有盡有，而且擺放得整齊又乾淨，是不是都有人幫你清潔，至於菜類，選擇品種十分之豐富。就連醬料嘅地方，都好乾淨，真係睇得出職員十分之用心啊。而且佢同一般嘅火鍋放題唔同，佢哋仲可以order天婦羅，同埋一啲嘅燒物，即叫即製架，一上枱金黃色，十分之脆身，仲可以食夠120分鐘，時間十分之充裕啊。