宅麵專門店 (已結業)

作为街坊，刚开新店就同男朋友仔食过一次，虽然都系男朋友请，但都系觉得性价比唔高，又无餐，店又细，又加一，仲贵过一风堂之类既日本过江龙🙄老板好似无做足research ，呢区啲人唔会食到咁贵。可能之后谂通左，终于要减返去合理水平跟餐饮前菜😌咁就俾次机会佢，因为行完山好攰唔想等位就同埋妹妹两个黎食。有个7-9晚餐，行完山口渴又饿想食饭，我就选左8D韩式泡菜年糕鸡肉汤饭配胡麻汁青瓜前菜清清地，加杯冰冻柠乐呵呵咁先解渴，点知得一片柠檬😑仲唔多气😑青瓜青新好稳阵，个锅好热好大个，但用汤匙搅搅下好似好少饭🙄可能锅大啦，咁味道都ok用老泡菜煮汤唔辣酸味适中，年糕够淋，系食到尾好难用汤匙挖黎食，好浪费。妹叫左个C4鳗鱼饼做前菜点炸猪排汁，鳗鱼饼食唔出系鳗鱼做😂似墨鱼丸既味道同质地多啲。博多猪骨汤拉面，个面系幼面无煮过头，猪骨汤唔似多奶底果啲，唔算咸，片猪肉我无食，妹话Ok唔老，都系同我个份一样，份量少左啲，可能平时唔郁既女仔会够饱。个人认为来货贵舖细做唔到咁多客又不能太贵咁就份量少啲，帮下我地减减肥都好既，不过我真系好肚饿😂$79@另收加一