泰國小泰飛菜館

营业中

休息中

本身同两个朋友去食辣云吞，但津津爆场，所以就行入深水埗揾地方食Lunch，我地无意间发现哩间新开既泰国野，门面干净就决定试下啦。游船河即系咩都有，肥牛唔嚡口有牛味、鱼旦爽口、肉丸都好味、萝卜一啲都唔马虎，炆到好入味同好清甜！真系好似系泰国食既汤粉咁，仲要好大碗，啲香叶令到个汤底更加丰富。泰式炒河，系我去食泰国菜必叫既，份量算大，鸡肉唔会炒到劲干、最重要个味唔会太甜、啲粉又唔会痴到一旧旧、炒到每条粉个湿度都刚刚好，加埋蛋丝，好味呀！三样我最钟意辣膏豆角炒腩肉饭，非常惹味、啲豆角仲好爽口、腩肉半肥瘦，最重要系佢个腩肉皮系脆咖如果钟意食辣既千其唔好挑走啲指天椒，夹埋啲汁嚟𩠌饭真系劲好食！杯冻柠茶都好饮，哩间系用青柠咖，杯野份量又大！有时乱咁试新野都系件好事，我会下次去试下食晚饭。