小南國 (已結業)

中學朋友聚餐，大家都好耐無見了，係時候聚一聚，選擇左呢間小南國，係因為係商場入面唔怕熱死坐得又舒服。係出面見到有特價98蚊松子魚平時係香港食都幾貴，今日竟然98就食到，一定要叫啦。 雖然賣相就細左點，不過味道還不錯，酸酸甜甜，個汁好開胃，魚肉都算嫩滑，周邊既松子都好香擔擔麵個汁好濃好夠味，仲有花生既香，麵都算彈牙，份量就不是太多。醉雞超濃酒味，好正，雞肉又嫩滑，啖啖酒香，又夠冰涼紅油炒手就不是那回事了，個汁不夠香，呢個簡直係一個迷你版，超細粒，無咩肉食。 呢個炒年糕真係好夠飽肚，個菜汁清清地，年糕夠煙韌，好有咬口，食完呢個真係飽到上心口