辣蟹莊 (已結業)

我上星期五同父母、老婆同阿女去观塘哩度食晚饭，皆因阿妈钟意食蟹同近屋企，所以就去试试。食物味道一般般，但待应服务可以。可惜该次晚饭经验系我一生之中最差!我哋叫咗孖宝，入面包一只避风塘蟹同埋半边烧鹅，但烧鹅一上枱，我哋就发觉烧到好黑好似炭咁(最衰唔记得影相)，我哋同侍应讲想换过半只鹅，侍应都好好，拎咗去俾烧味师傅，同佢讲想要换半只鹅，因为烧到太过火。点知隔咗一阵，个烧味师傅就喺厨房大大声话，只鹅烧到趣卜卜，边x度黒！跟住企出厨房门口，即系我哋枱隔离，又再次大声问候我阿妈同爆左一大轮粗口，x七我地。我同老婆背住佢，唔知佢有冇拎埋把刀出嚟，佢摆明知系我哋想换鹅，专登喺度嘈喧巴闭。跟住又话嫌黑唔x好食，叫侍应同我地讲冇烧鹅换俾我哋，叫我地咪x食！当然我同老婆好嬲，但我哋都冇同佢嘈，因为而家啲人真系痴线，我哋又同埋阿爸阿妈同个囡一齐，如果佢发癫斩人，就真系无谓啦。最后我听到个部长同佢讲，只鹅真系好黑点食。最终，佢换咗半边鹅俾我地，当然个傻佬有冇加料，我地都唔去谂啦！今次食饭真系好唔开心，俾咗钱仲要俾人无端端爆粗侮辱父母，真系好无理。我尝试上网揾哩间辣蟹庄嘅投诉渠道，但竟然冇，真系太差劲，唯有喺呢